प्रतिकूल मौसमले त्रिभुवन अन्तर्राष्ट्रिय विमानस्थलमा उडानहरू प्रभावित भयको छ ।

 प्रतिकूल मौसमका कारण आज त्रिभुवन अन्तर्राष्ट्रिय विमानस्थलको उडान प्रभावित भएको छ । टिआइएका महाप्रबन्धक जगन्नाथ निरौलाका अनुसार प्रतिकूल मौसम र त्यसपछिको कम भिजिबिलिटीका कारण आन्तरिक तथा बाह्य उडान प्रभावित भएको छ ।

निरौलाले पोखराका लागि उडान रद्द र जनकपुर र सिमराका उडान ढिला भएको बताए ।

अन्तर्राष्ट्रिय सेवाका लागि एयर चाइनाको उडान फिर्ता डाइभर्ट गरिएको छ । आज बिहान १० बजेर ५५ मिनेटमा टिआइमा अवतरण गर्ने कार्यक्रम थियो । कतिपय अन्तर्राष्ट्रिय उडानहरु रोकिन थालेका छन् ।

बुद्ध एयरका सूचना अधिकारी दीपेन्द्रकुमार कर्णले काठमाडौं–पोखरा उडान रद्द भएको र भरतपुर विमानस्थलतर्फको उडान ढिला भएको पुष्टि गरे ।

मंगलबार त्रिभुवन अन्तर्राष्ट्रिय विमानस्थलको आन्तरिक सेवामा सामान्य असर परेकाले प्रतिकूल मौसमका कारण आज बिहान सुर्खेतको बुद्ध एयरको उडान पोखरा डाइभर्ट गरिएको हो ।

अहिले देश मनसुनी वायुको प्रभावमा छ । जल तथा मौसम विज्ञान विभाग मौसम पूर्वानुमान महाशाखाका अनुसार हाल मनसुन न्यून चापीय रेखा थोरै उत्तरतर्फ रहेकोले देशभर आंशिकदेखि सामान्य वर्षा भइरहेको छ ।

हाल कोशी, गण्डकी, लुम्बिनी र सुदूरपश्चिम प्रदेशका थोरै स्थानहरुमा र बाँकी प्रदेशका थोरै स्थानहरुमा मेघगर्जनसहित हल्कादेखि मध्यम वर्षा भइरहेको छ ।

कोशी, गण्डकी, लुम्बिनी, कर्णाली र सुदूरपश्चिम प्रदेशका एक–दुई स्थानमा भारी वर्षाको सम्भावना रहेको छ ।